krippelkop-gedig op canvas

Hoe dit gebeur het maak nie saak nie, of doen dit?

Dan sit ek voor my venster en die groot dink knoop in my los

(hoekom die lewende wysheid my siel moes hoor)

die mostert-saad-korreltjie-hoop het die groot hoop in my losgemaak

en jy het my die son laat sien

ek tel my eie woorde, een vir een, ek luister na jou woorde, een vir een

en jy hou van my woorde en ek van joune

Hoe dit gebeur het maak werklik nie saak nie……….

Maar dit het wel gebeur.

Sal ek voor jou voete buig en hulle soen

Want jy het weer lewe in my verlamde dink gesit. 

Hoe ewig-dankbaar buig ek voor jou en jou woorde

In my kreupelbestaan het jy vir my ‘n stut gegee om te gebruik,

en jy het die krippel-kop uit my geskop

en my hoop gegee

dis dan wanneer ek wonder?

Is jou regte familie jou regte familie, of is jou opgemaakte familie jou regte familie?

Maar dus…….ek het die keuse om te kies.

Vir nick melkbos

16 november 2007